Studentmållaget i Oslo

Årsmøte onsdag 13. februar!

2008-01-31T23:36:00.000+01:00

Velkomen på årsmøte! Årsmøtet er onsdag 13. februar kl 18.00. Staden er Jan P. Syse-salen på Chateau Neuf. Etter møtet vert det pølse og øl til alle som har vore med på møtet!

Årsmøte på onsdag er opent for alle medlemmer og interesserte. Du må vera medlem, og ha betalt medlemspengar for å ha stemmerett på møtet. Etter møtet vert det pølse og øl til alle som har vore med på møtet. Viss du vil ha noko alkoholfritt, kan du sjølvsagt få det! Saklista for møtet kjem etter kvart!

Halvårsmøte torsdag 27. september

2007-09-25T10:25:00.000+02:00

Velkomen på halvårsmøte! Halvårsmøtet er torsdag 27. september kl 18.30. Staden er Jan P. Syse-salen på Chateau Neuf. Etter møtet vert det pølse og øl til alle som har vore med på møtet!

Halvårsmøte på torsdag er opent for alle medlemmer og interesserte. Etter møtet vert det pølse og øl til alle som har vore med på møtet. Viss du vil ha noko alkoholfritt, kan du sjølvsagt få det! Saklista for møtet ser slik ut: 1. Opning 2. Semestermelding våren 2007 3. Semesterplan hausten 2007 4. Val av styre for haustsemesteret Eventuelle suppleringar i skriftstyret til Mål og Makt 5. Ymse

Sleppefest og sumaravslutting

2007-05-29T15:48:00.000+02:00

Set av 7. juni, godtfolk. Då vert det kombinert sumaravslutting for SmiO og sleppefest for nyaste nummer av Mål og Makt. Sumaravsluttinga er for medlemer og vener av SmiO, og tek til på ein plen på Blindern klokka 18.00, der me skal grilla og kosa oss i eit par timar før me flyttar oss til RF-kjellaren i Vilhelm Bjerknes hus, kring kl. 20.00. Sleppefesten, som tek til klokka 20.00, er open for alle. Sturle Brustad kjem og les og fortel frå boka "Anarchy in Åmot", som vert meld i Mål og Makt denne gongen. I tillegg vert det kviss og anna moro utover kvelden. Kom til RF-kjellaren torsdag kl 20.00, eller møt oss på plenen klokka 18.00. Velkomen!

Gjer eit røvarkjøp!

2007-03-22T16:47:00.000+01:00

"Studentar i målstrid", boka som vart gjeven ut i samband med SmiO sitt hundreårsjubileum i 2003, kan no kjøpast for berre 100 kroner. Og då er porto medrekna. Betre kan det neppe verta. Boka kan du lesa meir om ved å nytta lenkja i margen til høgre.

Interessert i eit rimeleg stykke engasjerande lesnad?

Du kan tinga boka ved å taka kontakt med studentmållaget på tlf: 23002941, eller ved å senda ein e-post til elisabeth@nynorsk.no

Ny matpakkedag!

2007-03-02T16:16:00.000+01:00

I tida frametter kan du treffa SmiO på Frederikke kvar torsdag klokka 12.15. Me har endra dag for den tradisjonsrike matpakkesamlinga frå måndag til torsdag, og ynskjer alle som er glad i lunsj og kaffi velkomne til å eta og drikka i lag med oss. Maten må du stå for sjølv, men SmiO spanderer kaffi på alle som vil ha! Sjå etter SmiO-skiltet ved borda neste torsdag.

Kjeks og refleks på UiO

2007-01-19T11:37:00.000+01:00

Tysdag 23. januar vert det semesterstartaksjon på Frederikke-

plassen.

SmiO kjem til å dela ut kjeks og refleksar, som vanleg med von om å vinna studentane over på vår side. Har du lyst å vera med oss og aksjonera? Då er du særs velkomen.

Me kjem til å stå på Frederikkeplassen mellom klokka 11.00 og 14.00 fyrstkomande tysdag. Du vil kjenna oss att på dei vene smila og dei gule refleksane!

Det som skal vere inne i saka skriv du her

Noregs Mållag lyser ut to stipend à 50 000 kr

2006-12-19T12:19:00.001+01:00

Har du ein idé til eit prosjekt som kan vera med å brøyta veg for nynorsken på nye arenaer?

Då har du sjansen til å vinna eitt av to stipend på 50 000 kroner.

Stipenda er ei gåve frå Kultur- og kyrkjedepartementet i samband med hundreårsjubileet til Noregs Mållag. Føremålet er å få nynorsken inn på område der han frå før har lite rom.

Stipenda går til ei kvinne og ein mann, som kvar får 50 000 kroner å rutta med. Stipendet er eit arbeidsstipend og kan ikkje nyttast til ordinær utdanning eller til reiser.

Send søknaden din innan 15. februar 2007.

Noregs Mållag Postboks 474 Sentrum 0105 Oslo

Sjå meir på vevsidene til mållaget.

Tilskipingar av og med SmiO

2006-10-15T22:44:00.000+02:00

Vi satsar på ein haust med stor aktivitet, og her kjem litt informasjon om noko av det vi har tenkt å finne på i haust.

Teatertur

Vi skal sjå Hair ved Det norske teateret den 24. november. Sidan vi i studentmållaget er snille og gode betalar vi halve billettprisen for deg, slik at billetten berre kostar deg 100 kroner. Det har du råd til!

Vi har 10 reserverte sete som skal fyllast, og her er det fyrste til mølla. Meld deg på innan sundag 22.oktober ved å sende ein e-post til camillamentzoni@hotmail.com

Grautkveld

Den tradisjonelle grautkveld vert i år den 26. oktober på Valdresstova på Sogn Studentby.

Nasjonal aksjonsdag

7. november feirar alle lokallaga i Norsk Målungdom hundreåringen Noregs Mållag, og SmiO ynskjer velkomen til Den nynorske hagen. Meir informasjon kjem snart.

Noregs Mållag skipar til den internasjonale konferansen Målstrid og mangfald i Bergen 10.-12. november. Du finn meir informasjon om han på www.nm.no

Juleavslutting

Vi samlest for å avslutte eit vellukka semester no på fredag, den 8. desember. Vi skal vere hjå Sigbjørn og Margit på Fagerborg, der det vert juleverkstad frå klokka 18.00 med påfylgjande fest. Vonar mange vil ta turen. Meir informasjon om juleavsluttinga er send ut på e-postlista.

Matpakkesamling

Vi samlar oss for å ete lunsj klokka 12.15 kvar måndag. SmiO stiller med gratis kaffi!

Stipend til masteroppgåve om nynorsk i media

2006-10-11T10:53:00.000+02:00

Kringkastingsringen lyser ut eit stipend på
25 000 kroner til ein student som vil skriva masteroppgåve om eit emne knytt til nynorskbruk i media.
Stipendet er ikkje bunde til noko fag.

Stipendet vert utdelt i to porsjonar. 10 000 ved oppstart og 15 000 ved ferdigstilling.

Søknaden må innehalda prosjektskisse og framdriftsplan. Oppgåva skal i utgangspunktet vera ferdig innan desember 2007. Søknadsfristen er 15. desember 2006

For meir informasjon og alle vilkår, sjå www.kringkastingsringen.no eller kontakt:

Kringkastingsringen
Boks 9161 Grønland
0134 OSLO
Telefon: 23 00 29 50
Faks: 23 00 29 31
post@kringkastingsringen.no

Nynorsk fagbokpris 2007

2006-10-03T12:45:00.000+02:00

Nynorsk fagbokpris er på kr 100 000 kroner og er oppretta av og blir forvalta av Skuleboknemndi åt Studentmållaget i Oslo og Det Norske Samlaget. Prisen skal gå til eit fag- eller lærebokprosjekt på nynorsk. Prosjektet skal vere av høg kvalitet når det gjeld fagformidling, og bør vere pensumrelevant på universitets- og høgskulenivå.

Vi inviterer med dette faglitterære forfattarar til å sende inn forslag. Søkjarar må sende inn ei prosjektskisse på 2–3 sider, inkludert disposisjon og målgruppe (fag, nivå og aktuelle undervisningstilbod). Søkjarar bør ha eller bør skaffe seg forlagskontakt anten med Samlaget eller eit anna norsk forlag.

Frist for å sende inn prosjektforslag er 1. februar 2007. Utdelinga vil skje i august 2007. Søknaden kan sendast til:

Skuleboknemndi åt Studentmållaget i Oslo
v/Håvard Tangen
Grensa 8b
0159 OSLO

Dei innkomne prosjekta vil bli vurderte av ein jury samansett av representantar frå Skuleboknemndi og Det Norske Samlaget.

For meir informasjon kontakt Skuleboknemndi ved Håvard Tangen h.tangen@c2i.net tlf. 93424325 eller Beate Homlong tlf. 22707827.

Studentsamling

2006-09-19T11:18:00.000+02:00

Fredag 29. september til sundag 1. oktober skipar Studentmållaget i Oslo til studentsamling. Samlinga skal finna stad i Oslo. Her samlest studentar frå heile Noreg til spanande innleiingar, ordskifte og sosialt samvere. Norsk, og særleg nynorsk,i akademia vert eit gjennomgangstema på samlinga. Det er duka for panelordskifte om stoda til det norske fagspråket, Aasen-ekspert Stephen Walton skal innleia om framtida for nynorsken, og me skal byggja sterke studentmållag.

Programmet byd òg på pøbbkos med Ragnar Hovland, det vert innleiing om nynorsken sine sjansar i den raudgrøne staten, og Hege Lothe skal læra deg korleis studentmållaget ditt vert den viktigaste organisasjonen på utdaningsstaden.

Mange gode grunnar til å koma, med andre ord. Set av helga 29. september til 1. oktober.

Stad: Hytta til Longshipspeidarane i Vestgrensa, rett ved Blindern i Oslo

Tid: 29. september til 1. oktober

Tak med sovepose, liggjeunderlag og det du treng for å overleva i Oslo. Lurer du på noko?

Kontakt Elisabeth K Skatvedt, studentmållagsskrivar i NMU, på tlf.452 14 791 eller elisabeth@nynorsk.no.

Meld deg på! Send ein e-post til skriv@nynorsk.no.

Programmet førebels:

Fredag:

Bar-ordskifte om språk i akademia.

Korleis er stoda norsk/engelsk og nynorsk/bokmål i høgare utdaning? Panel med m. a.

Stephen Walton, professor i nynorsk skriftkultur ved Høgskulen i Volda Haakon Breien Benestad, prorektor ved Universitetet i Oslo Representant frå Studentmållaget i Oslo

Laurdag:

Korleis verta den viktigaste student-organisasjonen på staden? Hege Lothe, informasjonskonsulent i Noregs Mållag.

Ordskiftet i Norsk Barneblad.

Gudrun Kløve Juuhl har skrive masteroppgåve om korleis ordskiftespalta har utvikla seg opp gjennom åra. Utviklinga går inn som ein del av utviklinga i mediebiletet i Noreg.

Terminologiarbeid.

Sigbjørn Hjelmbrekke og studentmållaget i Nidaros

Nynorsk i ei ny tid.

Kva er «skriftleggjeringa av samfunnet»? Er engelsk fienden? Stephen Walton er mellom dei fremste ekspertane på nynorsk i Noreg.

Om kvelden:

Bokbar med Ragnar Hovland.Høgtlesing og spørsmål frå salen. Etterpå vert det språk- og litteratur-quiz ved Daniel og Ingunn Ims.

Sundag:

Nynorsken i den raudgrøne staten.

Synnøve Midtbø Myking, leiar i Norsk Målungdom.

Kva rolle har studentmållaga? Fortid,notid og framtid. Sergej Alexander Munkvold har vore studentmållagsaktivist i Trondheim og Oslo, og sit no i styret i SmiO.

Halvårsmøte i Studentmållaget i Oslo

2006-09-04T19:03:00.000+02:00

Me vonar du har hatt ein fin sumar og at du er klar for eit nytt semester og ein aktiv haust – både med målarbeid og studium! Me i studentmållaget gler oss til å jobba aktivt på universitetet og på høgskulen, ved å forsvara retten vår til eksamen på nynorsk. Halvårsmøtet vert torsdag 7. september kl. 19.00 på Klubbscenen på Chateau neuf.

Framlegg til sakliste:

Opning
Semestermelding for våren 2006
Semesterplan for hausten 2006
Val av styre for haustsemesteret
Ymse

Etter møtet vert det sosialt samvere Om du har vanskar med å finna fram, eller det er noko anna du lurar på, kan du ta kontakt med Ylva på telefon 913 53 864 eller Sigbjørn på 950 68 557. Ta med deg ein ven og kom! Du er hjarteleg velkomen!

Tilskipingar av og med SmiO

2006-09-04T18:57:00.000+02:00

Vi satsar på ein haust med stor aktivitet, og her kjem litt informasjon om noko av det vi har tenkt å finne på i haust.

Studentsamling Teatertur

Vi skal sjå Hair ved Det norske teateret. Dato kjem snart! Meld deg på til Camilla ved å sende ein e-post til camillamentzoni@hotmail.com.

Grautkveld

Den tradisjonelle grautkveld vert i år den 26. oktober på Valdresstova på Sogn Studentby.

Nasjonal aksjonsdag

7. november feirar alle lokallaga i Norsk Målungdom hundreåringen Noregs Mållag, og SmiO ynskjer velkomen til Den nynorske hagen. Meir informasjon kjem snart.

Noregs Mållag

Konferansen Målstrid og mangfald i Bergen 10.-12. november. Du finn meir informasjon om han på http://www.nm.no

Matpakkesamling

Vi samlar oss for å ete lunsj klokka 12.15 kvar måndag. SmiO stiller med gratis kaffi!

Gå ikkje glipp av 100-årsfesten for mållaget!

2006-04-20T11:15:00.000+02:00

28. april er det klart for feiring av mållaget. Framsyning på Det Norske Teatret med mellom andre Are Kalvø, Kjartan Fløgstad, Olaug Nilssen, Rønnaug Kleiva, Frode Grytten, Lars Bremnes, Kirsten Bråten Berg og Trio Søt. Fleire flotte overraskingar er klare. Framsyninga er eit samarbeid mellom Noregs Mållag og Det Norske Teatret.

Kl 20.00.

Pris: kr. 300,-

Ting billettar hjå Det Norske Teatret. Telefonnummer til billettluka: 22 42 43 44 eller her. Alle målfolk (og andre!) er velkomne!

Aviskurs

2006-03-28T19:36:00.000+02:00

Tid: Tysdag 4. april frå klokka 16 til 19.30 og onsdag 5. april frå klokka 16 til 18.30. På onsdag klokka 19 er det etter-aviskurs-samling. Mat og prat på eiga rekning.

Stad: Schweigaardsgate 16, hjå Noregs Mållag og Norsk Målungdom, Oslo.

Mål for kurset: Å få fram gode skribentar i og rundt avisredaksjonane til Motmæle og Norsk Tidend.

Aviskurset er gratis. Avgrensa tal med deltakarar. Påmelding til jens@nynorsk.no eller hege.lothe@nm.no Telefon: 23 00 29 40 eller 578 65 360.

Desse er innleiarar:

Jens Kihl er bladstyrar for Motmæle. Jens er sivilarbeidar for Norsk Målungdom og har vore bladstyrar for Motmæle sida hausten 2005.
Hege Lothe er redaktør for Norsk Tidend. Ho har vore redaktør sidan 2000. Hadde permisjon i deler av 2004-05 for å arbeide som generalsekretær i Nei til EU. Ho har tidlegare arbeidd i lokalavisa Firda Tidend.
Sigri Sandberg M. er journalist i vekeavisa Ny Tid. Ho tidlegare arbeidd i Bergens Tidende, Dagbladet, Dagens Næringsliv, Svalbardposten og i Morgenbladet.
Tone Foss Aspevoll er journalist og arbeider som redaksjonssjef for magasinet i Klassekampen.
Robert Braathen er utdanna fotograf. Han har frilansa for ei rekkje aviser og fagtidsskrift, mellom andre Kassekampen og Bergens Tidende.
Laura Djupvik er forfattar og journalist. Ho er tilsett i Morgenbladet. Og har frilansa for ei rekkje aviser og blad, og jobba som litteraturformidlar på bibliotek. I 2004 gav ho ut boka /Båten er så liten/.

Medlemsrekord: 371 medlemer i fjor!

2006-01-15T23:09:00.000+01:00

Studentmållaget i Oslo fekk 111 fleire medlemer i 2005 enn året før, takka vere den store vervekampanjen.

SmiO-styret hadde som mål å passere 300 medlemer i 2005, og det klarte vi verkeleg! No håpar vi berre på framleis framgang i år.

To vervarar fekk ny datamaskin gjennom den store vervekampanjen til SmiO. For å få ei datamaskin måtte ein verve minst 50 nye medlemer under 26 år, busette i Oslo. To andre har fått gåvekort. Vi er imponerte over innsatsen!

Har du lyst til å bli medlem, du òg kanskje?

Årsmøte i SmiO 9. februar

2006-01-15T15:26:00.000+01:00

Studentmållaget i Oslo kallar med dette inn til årsmøte. Me har lagt bak oss eit godt år, der me har markert 100-årsjubileumet for norsk sjølvstende, jobba med retten til å få eksamensopppgåver på nynorsk og verva mange nye medlemer. No ser me fram til eit (minst) like godt år, og me vonar du vil koma på årsmøtet og leggja planar for året saman med oss!

Tid: torsdag 9. februar kl. 18.00-21.00
Stad: personalkantina i Georg Sverdrups hus (Universitetsbiblioteket), 2. høgda, Blindern, (bak kafeen og utstillingslokalet)..

Godt nytt år og velkomen til eit nytt semester i Oslo!

Du må ha betalt medlemspengar for å få røysterett på årsmøtet. Det vert høve til å betala på møtet.

Om du har vanskar med å finna fram, eller det er noko anna du lurar på, kan du ta kontakt med Eva Marie på telefon 9520 1958.

Framlegg til sakliste frå styret:

Opning
- val av ordstyrar og møteskrivar
Godkjenning av innkallinga
Godkjenning av saklista
Årsmelding for 2005
Rekneskap for 2005
Arbeidsplan for 2006
Medlemspengar for 2006
Budsjett for 2006
Skuleboknemndi
- årsmelding for 2005
- rekneskap for 2005
- arbeidsplan for 2006
Mål og Makt
- årsmelding for 2005
- rekneskap for 2005
- arbeidsplan for 2006
Driftsfondet
Val
Fråsegner
Ymse

Det vert enkel matservering på møtet.

Krev eksamen på nynorsk!

2005-11-17T21:57:00.000+01:00

Mange studentar ved Universitetet i Oslo (og andre lærestader) opplever ofte at dei ikkje får eksamensteksten på nynorsk. Det har ein rett til når ein har meldt seg opp på nynorsk, og det er ein enkel rett som me har som nynorskbrukande studentar.

Viss du ikkje får det, er det fleire ting du kan gjera. Det finn du på denne sida. Gje oss gjerne melding om slike hendingar!

Lukke til på eksamen!

Kva rettar har du som nynorskskrivande student?

Når du har meldt deg opp på nynorsk ved semesterregistreringa eller på anna vis gjeve universitetet eller høgskulen melding om du nyttar nynorsk, har du rett på både eksamen og brev på nynorsk.

Rettane dine er (dette gjeld sjølvsagt for bokmålsbrukarar òg.)

at all skriftleg korrespondanse med lærestaden skal skje på nynorsk. Dette er slege fast i lov om målbruk i offentleg teneste
at du skal få eksamensoppgåver på nynorsk. Denne retten er soleklar og slege fast i forskrift om målform i eksamensoppgåver. Det skal heilt spesielle grunnar til for at lærestaden ikkje skal gje deg eksamen på nynorsk, og då skal studenten få melding om det minst tre månader før eksamensdagen, og studenten kan klaga på dette.

Kva gjer eg på eksamensdagen når eg ikkje får eksamen på nynorsk?

SPØR! Det som ofte hender er at dei har eksamensoppgåver på nynorsk liggjande. Ofte kjem eksamensvaktene med nynorskversjonen til deg etter ei stund.

SPØR FAGLÆRAR! Faglærar kjem innom på eksamen, og det er som oftast faglærar som har laga eksamensoppgåvene. Gje han eller ho dårleg samvit.

Vel du å ta eksamen trass i manglande nynorsk-tekst, bør du gå opp på instituttet etter eksamen og klaga. Mange gløymer heile saka, ein er jo letta over å vera ferdig med eksamen, men det er viktig å fylgja saka opp!

FINST DET IKKJE EKSAMEN PÅ NYNORSK, KAN DU NEKTA Å TA EKSAMEN. Nektar du, må du klaga til universitetet og gje melding til instituttet om stoda. Du har rett til å ta opp att eksamen då. (Og då er det lite truleg at dei kjem med bokmålsoppgåver ein gong til...)

Spør oss i studentmållaget om hjelp!

Juleavslutning

2005-11-17T21:52:00.000+01:00

No nærmar jula seg, og etter eksamen, eller midt i førebuingane, kan du koma på juleavslutninga til Studentmållaget. Avslutninga er fredag 9. desember kl. 20. Det er hjå Idun som bur i Deichmannsgt. 25 (ved Møllergata skule). Du kan koma om du er ny eller gamal, medlem eller ikkje... Velkomen er du uansett!

På juleavslutninga serverer me gløgg og pepparkaker og anna godt. Du tek med deg det du vil drikka av andre ting. Det vert kulturelle innslag, julemusikk og anna kos.

Sex og singelliv på nynorsk?

2005-11-06T22:58:00.000+01:00

Kvifor er det slik at ein viser "Med hjarte på rette staden" på nynorsk, men ikkje "Sex og singelliv"? SmiO inviterer til debatt om haldningar til nynorsken i media, onsdag 9. november kl. 19.00 på Betong, Chateau Neuf. I panelet: Tove Lie, sjefsredaktør i Nationen Pernille Huseby, politisk kommentator i VG Yngve Benestad Hågvar, høgskulelektor ved journalistutdanninga, HiO Marit Aakre Tennø, dagleg leiar i Kringkastingsringen.

Debatt: Sex og singelliv på nynorsk Er det rett av nynorskfolk å krevja meir nynorsk i media, og i so fall, korleis bør det skje? Og vil slaget vera tapt for nynorsken viss det fortset som i dag? Nynorsken vert sensurert vekk frå store delar av media. VG og Dagbladet har forbod mot nynorsk på redaksjonell plass og NRK oppfyller ikkje kravet om 25 % nynorsk. Kva følgjer har det for nynorsken at språket er so lite synleg i media? Kva for haldningar til nynorsk vert skapte av media? Kvifor er det slik at ein viser "Med hjarte på rette staden" på nynorsk, men ikkje "Sex og singelliv"? Onsdag 9. november kl. 19.00 på Betong, Chateau Neuf. Fri inngang. I panelet: Tove Lie, sjefsredaktør i Nationen Pernille Huseby, politisk kommentator i VG Yngve Benestad Hågvar, høgskulelektor ved journalistutdanninga, HiO Marit Aakre Tennø, dagleg leiar i Kringkastingsringen Vel møtt!

Vil du vita meir om stoda for nynorsken?

2005-10-11T19:08:00.000+02:00

Korleis er det eigentleg med nynorsken i dag? Kor mange skriv nynorsk og kvar står han best? SmiO inviterer til studiemøte onsdag 19. oktober kl. 19.00 Innleiar er Magnus Bernhardsen, informasjonskonsulent i Noregs Mållag. .

Studiemøtet er hjå Idun B. Leinaas i SmiO og ho bur i Deichmannsgate. Nr og vegskildring kjem! Alle er hjarteleg velkomne!

Dette skal vi gjere i vår

2005-09-26T22:55:00.000+02:00

Her er eit oversyn over ting som skjer i vår. Skriv datoane opp i den sjuande sansen din, og fylg med, for her kan det koma endringar. Hugs: du er alltid velkomen på tilskipingar i SmiO!

16 mars : Studiemøte kl 19.00 "Nynorsk på Austlandet". Dette vert forhåpentlegvis i bibilioteket på Chateau Neuf, men ikkje heilt sikkert endå.

23-25 mars: Landsmøte på Lista. Meir informasjon finn du her.

4 april : Debatt. Spåk i akademika - fagterminologi.

Hugs at me har matpakkesamling kvar torsdag kl. 12 i Frederikkekantina.

PS. den beste måten å få info om kva som skjer i SmiO er å stå på e-postlista vår. Send ein e-post til oss, så melder me deg på! Viss du vil vita meir om kva som skjer i målrørsla, kan du nytta kalenderen til Noregs Mållag.

Kva rettar har du som nynorskskrivande student?

2005-08-29T16:37:00.000+02:00

Rettane dine er (dette gjeld sjølvsagt for bokmålsbrukarar òg.)

at all skriftleg korrespondanse med lærestaden skal skje på nynorsk. Dette er slege fast i lov om målbruk i offentleg teneste
at du skal få eksamensoppgåver på nynorsk. Denne retten er soleklar og slege fast i forskrift om målform i eksamensoppgåver. Det skal heilt spesielle grunnar til for at lærestaden ikkje skal gje deg eksamen på nynorsk, og då skal studenten få melding om det minst tre månader før eksamensdagen, og studenten kan klaga på dette.

Kva gjer eg på eksamensdagen når eg ikkje får eksamen på nynorsk?

SPØR! Det som ofte hender er at dei har eksamensoppgåver på nynorsk liggjande. Ofte kjem eksamensvaktene med nynorskversjonen til deg etter ei stund.
SPØR FAGLÆRAR! Faglærar kjem innom på eksamen, og det er som oftast faglærar som har laga eksamensoppgåvene. Gje han eller ho dårleg samvit.
Vel du å ta eksamen trass i manglande nynorsk-tekst, bør du gå opp på instituttet etter eksamen og klaga. Mange gløymer heile saka, ein er jo letta over å vera ferdig med eksamen, men det er viktig å fylgja saka opp!

Spør oss i studentmållaget om hjelp!

Pølse- og øl-fest med halvårsmøte!

2005-08-29T10:25:00.000+02:00

Halvårsmøtet i SmiO vert torsdag 8. september kl. 19.00 på Uglebo (kjellarpøbben på HF, Blindern). Etter møtet vert det pølse og øl/brus til alle som har vore på møtet.

Vel møtt!

Halvårsmøtet er flytt, og skal altså ikkje vere 1. september slik vi har sendt ut melding om tidlegare. Her er innkallinga: INNKALLING TIL HALVÅRSMØTE I STUDENTMÅLLAGET I OSLO Gode medlem og interesserte! Me vonar du har hatt ein fin sumar og at du er klar for eit nytt semester og ein aktiv haust – både med målarbeid og studiar! Me i studentmållaget gler oss til å jobba aktivt på universitetet og på høgskulen, ved å forsvara retten vår til eksamen på det språket me brukar, og til å feira unionsoppløysinga. I haust er det rektorval på Universitetet i Oslo, og me ynskjer å stilla krav til kanidatane slik at me får ein rektor som sikrar våre rettar. I november har me planlagt ein fantastisk republikkfest for å markera kva Studentmållaget i Oslo gjorde i striden for unionsoppløysinga for hundre år sidan. Korleis dette skal gjerast og gjennomførast, kan du få vera med å avgjera på halvårsmøtet, i tillegg til mange andre saker. Me kallar inn til semesterets fyrste møte, halvårsmøte torsdag 8. september kl. 19.00 på Uglebo. Uglebo er kjellarpøbben på HF (Det humanistiske fakultet) på Blindern. Framlegg til sakliste: 1. Opning - Godkjenning av innkalling - godkjenning av saklista - val av ordstyrar - val av møteskrivar 2. Semestermelding for våren 2004 Ordskifte 3. Semesterplan for hausten 2004 Ordskifte 4. Val av styre for haustsemesteret Evntuelle suppleringar i skriftsstyret for Mål og Makt. 5. Ymse Etterpå vert det pølse og øl til alle. Alle får ein pils og tre pølser kvar. Viss du vil ha noko anna enn øl, kan du sjølvsagt få det. Om du har vanskar med å finna fram, eller det er noko anna du lurar på, kan du ta kontakt med Eva Marie på telefon 9520 1958. Ta med deg ein ven og kom! Du er hjarteleg velkomen! Målhelsingar frå STUDENTMÅLLAGET I OSLO Eva Marie Mathisen leiar

Møt oss ved semesterstart!

2005-08-16T14:25:00.000+02:00

SmiO har stand på Høgskulen og på Universitetet i Oslo no ved semesterstart. Torsdag 18. august frå kl. 11-14 kan du møta oss på HiO, og måndag 22. august kl. 13.15-16.30 og tysdag 23. august kl. 10-13 på Frederikkeplassen på UiO.