Årets stemnetale ved Tore Renberg og konsert med Camilla Granlien Band

Forfattar Tore Renberg er årets stemnetalar. 

Tore Renberg er ein sentral prislønt norsk samtidsforfattar. Han sprengjer skalaen kva gjeld sjangrar, og har gitt ut alt frå barne-, ungdoms- og vaksenromanar til essay, skodespel og filmmanus. Renberg skriv på både bokmål og nynorsk, i tillegg til at den nyaste utgivinga, diktsamlinga «Øie=Viise, 1720 og andre dikt», også inneheld dikt på dialekt og eldre språkformer.  

Bøkene hans er gitt ut i 18 land. Romanane «Du er så lys», «Tollak til Ingeborg» og «Lorden» er alle skrivne på nynorsk. Desse romanane handlar i stor grad om gapet mellom utside og innside og mellom lyse og mørke krefter. 

Konsert: Camilla Granlien Band – Kjærleik, liv og død 

Camilla Granlien Band inviterer til ei stemningsfull konsertoppleving med «Kjærleik, liv og død» – eit musikalsk møte med nyskrivne melodiar og dei sterke og tidlause tekstane til Loms-diktaren Tor Jonsson. 

Musikken hentar inspirasjon frå både viser, folkemusikk og tradisjonsmusikk, og resultatet er eit uttrykk som rører og treff. 

Første smakebit, «Norsk kjærleikssong», kom på valentinsdagen 14. februar 2025 og sette tonen for det som skulle kome. Heile albumet «Kjærleik, liv og død» vart sleppt 14. mai 2025, på sjølve fødselsdagen til Tor Jonsson. 

Dette er ein konsert for deg som vil oppleve sterke tekstar, vakre melodiar og ekte formidling – tett på kjenslene som bind oss saman. 

Camilla Granlien Band er sett saman av:  

Camilla Granlien – vokal 

Mari Skeie Ljones – fele  

Frode Berntzen – gitar  

Audun Ellingsen – kontrabass  

Børre Flyen – trommer