Barnekunstutstilling og juleverkstad

Familiedag i Aasentunet

Korleis er det eigentleg å vere vaksen, og kven drøymer ikkje om kva dei kan bli og gjere når dei blir store? Alt ein kan få bestemme sjølve, då! Då skulle det vore laurdag kvar dag og ein kunne ete hundre pannekaker til middag.

Slik drøymer storesøstera i biletboka Stor av Martine Grande, som i år har vore utgangspunktet for Aasentunet si årlege barnekunstutstilling.

Denne søndagen kan du og familien besøke Aasentunet og sjå den fine kunsten som barnehagebarna i regionen vår har laga og høyre forteljinga om storesøster som leikar seg med tanken om alt ho kan gjere når ho blir vaksen. Det blir òg juleverkstad i museumsutstillinga vår.