Hopp til hovudinnhald

Bli med på ei fartsfylt reise tilbake til nittitalet, då datamaskina var stor og framtidshåpet endå større

Torsdag 25. september inviterer Aasentunet til eit engasjerande foredrag med forfattar Anne Gunn Halvorsen, som er aktuell med boka «Mitt internett: Då www kom til Noreg». Ho gir oss innsikt i korleis internett vart ein del av kvardagen vår, og let oss mimre om ei tid med store datamaskiner, spennande framtidshåp og tidleg digital entusiasme.

  • Anne Gunn Halvorsen i rosa kjole sitjande framom ei bokhylle
    1/1
    Anne Gunn Halvorsen Sara Sanderud

Gjennom dagboknotat og intervju med gamle venner, fagfolk og programmerarar skildrar ho korleis internett vart ein del av oss. Foredraget handlar om teknologi, politikk og ikkje minst ungdommen som var tidleg ute med å ta i bruk det nye mediet.

– Dette blir eit gyllent høve til å mimre tilbake til nittitalet, med alt frå mIRC og Netscape Navigator til den første Microsoft Solitaire-kabalen, samtidig som vi kan reflektere over korleis internett har forma kvardagen vår, og korleis vi sjølve er med på å forme framtida, seier museumsleiar Ida Karin Aarflot Kornberg.