Hopp til hovudinnhald

Farlege forskjellar – Kvifor stor økonomisk ulikskap er eit samfunnsproblem. Trine Østereng i samtale med Jens Kihl

Kva skjer med fellesskapen, samfunnet vårt og demokratiet når dei økonomiske forskjellane i landet aukar? Noreg har aldri hatt så mange milliardærar som no. Samstundes veks køane utanfor matsentralane, og avstanden mellom dei rikaste og vanlege folk blir stadig større. Fleire strevar økonomisk – sjølv med fast jobb og stabil inntekt. Vi set vår lit til velferdsstaten, men enkelte opplever at sikkerheitsnettet ikkje held når det verkeleg trengst.

Kva skjer med fellesskapen, samfunnet vårt og demokratiet når dei økonomiske forskjellane i landet aukar?

Aasentunet
Indrehovdevegen 176 6160 Hovdebygda
12. mars 2026
19.00
Reserver fribillett
  • 1/4
    Trine Østereng Siw Pessar
  • Portrettfoto av Jens Kihl med raud jakke og mørk bakgrunn
    2/4
    Jens Kihl Bård Bø
  • 3/4
    Samlaget
  • 4/4
    Res Publica

Trine Østereng og Jens Kihl har begge skrive bøker der dei, både frå eit personleg og samfunnsøkonomisk perspektiv, undersøker korleis endringane i Noreg dei siste tiåra påverkar kvardagen til vanlege folk. 
I dette møtet inviterer dei til ein open samtale som kastar lys over eit av vår tids mest brennande spørsmål: Kva skjer med samfunnet når ulikskapen får vekse? 

Arrangementet er i samarbeid med SpareBank 1 SMN, og Fredric Holen Bjørdal ønsker velkomen.  

Trine Østereng er rådgjevar i Tankesmien Agenda. Ho er utdanna statsvitar og har tidlegare jobba som nestleiar i sekretariatet til stortingsgruppa i SV. Ho har også vore rådgivar for SV i ei rekkje fagkomitéar på Stortinget. Farlege forskjellar. Kvifor stor økonomisk ulikskap er eit samfunnsproblem (2025) er hennar første bok. Østereng vart òg publisert med kronikken Blir eg sjuk, blir eg fattig i NRK Ytring hausten 2025, som talar til temaet denne kvelden. 

Jens Kihl er målmann, journalist og forfattar. Han har tidlegare skrive bøkene Dette er også Noreg. Kommunal feelgood (2019) og Liv Signe Navarsete. Eg veit kva eg snakkar om! (2022). I boka Blakk (2025) fortel Kihl ope og ærleg om oppveksten med ei mor som ofte var blakk, og korleis han opplevde ulikskapane i Noreg i praksis. I boka ser han tilbake på desse opplevingane og snakkar med mora om korleis ho hadde det. Resultatet er ein skarp samfunnsanalyse og ei ærleg skildring av barndomen.  

Arrangementet er gratis, men du sikrar deg plass ved å reservere billett.