Hald av 11.–14. juni 2026!

Festivalen presenterer igjen ei rekkje kjende namn frå norsk kulturliv. – Publikum kan sjå fram til å møte den folkekjære og sprudlande Linda Eide, som med både kunnskap og humor vil setje sitt preg på programmet både under opninga torsdag og på fredagsprogrammet, seier programansvarleg Ida Karin Aarflot Kornberg.

13. juni kjem Erlend Loe til Aasentunet med sitt særeigne skråblikk og forteljingar som utfordrar lesaren. Same dag kjem Agnes Ravatn med den nyaste boka si, Doggerland. Festspeldiktar Brynjulf Jung Tjønn bidreg gjennom heile festivalen med  framsyningar, høgtlesingar og samtalar. 

I tillegg kan publikum gle seg til to storslåtte konsertopplevingar som løftar festivalstemninga: Torsdag 11. juni står Oddny på Utescena i Aasentunet medan Valkyrien Allstars spelar laurdag 13. juni. 

– Vi er veldig spente og glade for å kunne annonsere så sterke utøvarar til Festspela 2026 allereie no. Vi lovar dagar fulle av humor, underhaldning, ettertanke og gode opplevingar for både store og små, avsluttar Ida Karin.

Sikre deg billettar allereie no 

Du kan allereie no kjøpe dagspass til fredag og laurdag. Du kan òg sikre deg billett på opninga og konserten laurdag. Det fullstendige festivalprogrammet blir publisert i løpet av våren. 

• Årets festspelprogram