Juryen: Unn Røyneland, Jens Kihl og Arill Riise Rune Fossum Lillesvangstu
Under Festspela er det også i år duka for den høgtidlege utdelinga av Kultur- og likestillingsdepartementet sin nynorskpris for journalistar. Det blir òg samtale med prisvinnaren om jobben vedkomande har gjort med nynorskbruk i media.
Kulturdepartementet sin nynorskpris for journalistar, ofte kalla Nynorskprisen for journalistar, er ein mediepris som Kultur- og likestillingsdepartementet deler ut til journalistar som nyttar nynorsk. Føremålet med prisen er å fremje bruk av nynorsk i media. Prisen blir delt ut årleg til ein journalist som har utmerkt seg ved å bruke levande og god nynorsk i media, og som har gitt nynorsk status eller innpass på nye område.
Juryen for nynorskprisen for journalistar er sett saman av:
Jens Kihl, journalist og frontsjef i Bergens Tidende (leiar)
Arill Riise, journalist og programleiar i TV 2
Unn Røyneland, professor i nordisk språkvitskap og fleirspråklegheit ved Universitetet i Oslo