Mennesket og krigshelten Martin Linge
Søndag 14. september presenterer Svein Linge mellom anna historia til det einaste augnevitnet som var med då Linge fall.
Føredraget tek utgangspunkt i biografien Mennesket og krigshelten Martin Linge, som fortel om barne- og ungdomsåra som skapte skodespelaren, organisatoren, kapteinen og krigshelten.
Forfattaren Svein Linge frå Valldal på Sunnmøre er bonde, journalist, redaktør og forfattar. Han har skrive ei rekkje historiske avisartiklar mellom anna om personar og episodar frå krigsåra 1940–45 på indre Sunnmøre. Svein Linge er ikkje i familie med Martin Linge.