Virtuos valfart

Ein konsert med musikk av Jorun Marie Kvernberg. På scena har ho med seg NyNorsk Messingkvintett og akkordeonist Kristina Farstad Bjørdal. Kvernberg er folkemusikaren og komponisten som stadig trør nye stigar, både i eigne og andre sine musikalske landskap. Inspirasjonen finn ho i alt frå natur, historie, lyrikk, hjå medmusikarar og i ulike musikkformer og -tradisjonar. Hovudverket i konserten er «Valfart». Det er komponert til dikt frå Kjartan Fløgstad si debut-diktsamling med same tittel. Det er duka for ein konsert full av både alvor, leik og virtuositet. 
 
NyNorsk Messingkvintett er sett saman av Erlend Aagard Nilsen (trompet), Jørgen Arnesen (trompet), Marie Solum Gran (horn), Ingebjørg Bruket (trombone) og Berger Iver Færder (tuba). 

Arrangør: Tonehimmel og Aasentunet 

Konserten er støtta av Norsk Komponistforening, Norsk Kulturråd, Fond for utøvande kunstnarar og Creos Vederlagsfond.

Billettpris: 350,- (gratis for alle under 20 år!)
Dørene opnar: 18.30
Konsertstart: 19.00