Aleine saman – korona og kulturen
Lars Mæhle – Tida vil ta deg dit
Lars Mæhle og Beate S. Lech har skrive ein song om å lengte til meir vanlege tider. Songen er skrive til tunkatten Lurivar si nettsongbok.
Her er ein song til deg
som ventar
på heilt nye tider
på solgrøne lier
på å møte din beste ven
Her er eit ord til deg
som lengtar
til finkorna strender
til halding i hender
til å puste i fridom igjen
Den tida vil kome
Du må vente, men vit
at tida vil ta deg dit
Den tida vil kome
Du må lengte, men vit
at tida vil ta deg dit
Her er eit vink til deg
som stundar
til sprudlande festar
til ei tid utan testar
til å gi mormor ein klem
Den tida vil kome
Du må vente, men vit
at tida vil ta deg dit
Den tida vil kome
Du må lengte, men vit
at tida vil ta deg dit
For ein dag du vaknar, er verda igjen vår
Og du har venta og vore så flink
Ein dag kan du gøyme bort alt du no får
Ein song og eit ord og eit vink
Den tida vil kome
Den tida vil kome
Du må vente, men vit
at tida vil ta deg dit
Den tida vil kome
Du må lengte, men vit
at tida vil ta deg dit
© Lars Mæhle / Nynorsk kultursentrum
Lars Mæhle, litteraturvitar og produktiv forfattar av bøker for barn og unge både på nynorsk og bokmål. Fantasyromanen Landet under isen (2009) blei gjennombrotsromanen hans. Mæhle var festspeldiktar under Dei nynorske festspela 2017.
Les meir på:
