Ukategorisert

Vi søkjer etter ein barne- og ungdomsformidlar som mellom anna kan utvikle og gjennomføre nasjonale formidlingstiltak på ulike arenaer og digitalt. Kontorstad er ved Vinjesenteret i Vinje kommune.

Kva oppfinningar har endra verda? Veka etter haustferien får nesten 500 elevar på Sunnmøre besøk av forfattar Bår Stenvik for å finne ut meir om dette. Same veke får om lag 200 barnehagebarn utforske bokstavar og ulike språk i utstillinga bokSTAV.

Hurdalsplattforma kan vere med på å betre vilkåra for nynorsk og nynorskbrukarane i åra som kjem, men mange av dei gode målsetnadane må bli konkrete tiltak for at det skal bli lettare å vere nynorskbrukar.

I framlegget til Statsbudsjett 2022 gir regjeringa tilskot til ein nynorsk forfattarskule for etniske minoritetar, og til framleis arbeid med automatisert omsetjing frå bokmål til nynorsk.
– Likevel blir satsinga på det språklege mangfaldet for svak, og den nye regjeringa har sjansen til å få til løftet som trengst for at den nye språklova skal lykkast, seier fungerande direktør i Nynorsk kultursentrum, Gaute Øvereng.

Prosjektet Litteraturhus i Møre og Romsdal er godt i gang med haustturneane i fylket. 28.–30. september møter forfattarane Øystein Orten og Svein Sæter publikum på biblioteka i Valldal, Fosnavåg, Volda og Sula. «Skal vi aldri bli ferdige med krigen?» blir ei interessant stund med refleksjonar og diskusjonar.

Songaren og låtskrivaren Endre Olsen frå Stord fekk Hauge-stipendet under opninga av Poesifestivalen i Ulvik fredag 3. september.
– Eg kan ikkje tenkje meg noko som er større enn å ta i mot ein pris i namnet til Olav H. Hauge. Dette er ei stor æra, seier han.

Arnfinn Kolerud er ein profilert ungdoms- og vaksenbokforfattar som har vunne fleire litterære prisar og fått gode kritikkar for den siste boka si. Saman med Nynorsk kultursentrum held han 3.–7. september foredrag på Voss, Etne, Kinsarvik og i Haugesund om den siste romanen, som går inn i den norske språkstriden. 

I 2020 gjekk Nynorsk kultursentrum og Store norske leksikon (SNL) saman om eit strategisk samarbeid for å få meir nynorskinnhald i SNL. Med artikkelen om klimaflyktningar frå Allkunne har SNL no runda 10 000 leksikonartiklar på nynorsk.