Eit hjarte til jul

Velkomen til ei koseleg jolestund i Haugesenteret med forfattarbesøk, musikk og joleverkstad.

Forfattar Line Dybedal les den vakre boka Eit hjarte til jul. Her møter me Nora, som både gler seg og gruar seg til jul. Mor hennar treng eit nytt hjarte – men vil ho få det i tide? Med song, musikk og stemningsrike illustrasjonar tek Dybedal og gitarist Mathias Marstrander oss med inn i ei historie som er både trist, spennande, koseleg – og full av julemagi.

Tradisjon tru avsluttar me arrangementet med joleverkstad i Poesiverkstaden.

Arrangementet høver for alle leseglade born og vaksne.