-
Mara Lavik og Odelsskam Tove K. Breistein / Samlaget
Odelsskam fortel historia om ein gard, ein plass og ein tilstand som held på å gleppa mellom hendene på forfattaren. Maria Lavik skildrar oppveksten på eit småbruk på Vestlandet. Ho veks opp med sauesanking, store avstandar, bokbuss annankvar torsdag og historier om ei livskraftig og motkulturell slekt. Men alt som sekstenåring flyttar ho ut. Burde ho koma tilbake?
Samanvoven med Lavik si historie er den særnorske, over tusen år gamle odelsretten. Lova som koplar jorda og slekta saman til ein nesten heilag symbiose. Odelsskam er ei varm og sterk forteljing om tradisjonar og endring.
Maria Lavik samtalar med museumsleiar ved Haugesenteret, Jorid Lekve Eide, som òg er odelsjente.
Arrangementet er i samarbeid med Ulvik Bonde- og Småbrukarlag.
Billett kr 200