Hopp til hovudinnhald

To heimkomne

Forfattarane Ruth Lillegraven og Agnes Ravatn har begge bytt ut storbystøv og støy i Oslo med det (tilsynelatande) fredelege bygdelivet i høvesvis Granvin og Sveio. På kvar sin gard lever dei no det skrivande livet som dei drøymde så lenge om. Korleis har det livet vist seg å bli? Og er no bygdelivet så roleg, eigentleg?

Forfattarane Ruth Lillegraven og Agnes Ravatn har begge bytt ut storbystøv og støy i Oslo med det (tilsynelatande) fredelege bygdelivet i høvesvis Granvin og Sveio. På kvar sin gard lever dei no det skrivande livet som dei drøymde så lenge om.

Yppal mat og drykk
Promenaden 7, 5730 Ulvik
08. mai 2026
20.00
Kjøp billett
  • profilbildet av Ruth Lillegraven, Kjersti Mjør, Annlaug Børsheim, og Agnes Ravatn
    Ruth Lillegraven, Kjersti Mjør, Annlaug Børsheim, og Agnes Ravatn Agnete Brun / Arne Flatin / Linn Heidi Stokkedal / Line Omland Eilevstjønn

Lillegraven og Ravatn kom begge med ny bok i 2025. Dei har òg til felles at dei har skrive seg inn i hjarta til lesarar frå heile landet – med romanar, lyrikk, barnebøker og krim. Denne kvelden møtest dei på scena i Ulvik i eit samspel der humor og alvor går hand i hand. Dei vil snakka om by og bygd, venskap og uvenskap, skriveglede og skrivesperre – i salig blanding.

Den prislønte journalisten og forfattaren Kjersti Mjør – som òg kjem frå Kvanndal og Granvin – leiar samtalen. Ulvik si eiga Annlaug Børsheim – allsidig og ettertrakta musikar – tilfører fagert tonefylgje.

Billett kr 300