- 1/1
Den Høgvørde Kronprinsessa Mette-Marit held fram som kongeleg beskyttar for Nynorsk kultursentrum, musea for skriftkultur. Dusan Reljin / Det kongelige hoff
Kronprinsessa har vore beskyttar for stiftinga sidan 2020 og beskyttarskapen blir no forlenga ut 2030. Kongehuset skriv på sine nettsider at ordninga med beskyttarskap fungerer som ei anerkjenning av organisasjonar og arrangement innanfor viktige område av samfunnslivet.
– Nynorsk kultursentrum er takksame for engasjementet til kronprinsessa! Det er flott å ha eit kongehus som vil fremje nynorsk språk og litteratur, seier direktør Olav Øyehaug Opsvik.
– Vi set også pris på at kronprinsessa har med Den internasjonale Fossefestivalen, Fosseforedraget og Fosseprisen for omsetjarar i porteføljen sin, seier han.