Arbeidsstad: Aasentunet, Ørsta
Tittel: Forskings- og samlingsleiar
Utdanning: Mastergrad
Søknadsfrist: 16. august 2026
Oppstart: Stillinga er ledig frå august, oppstart etter avtale
Stillingstype: Fast stilling 100 %
Vi ser etter ein leiar som vil styrke og stimulere forskingsmiljøet i stiftinga. Avdelingsleiaren har også ansvar for god framdrift i registreringa og digitaliseringa av samlingane og arkiva våre. Kontorstad er Aasentunet i Ørsta.
Forskings- og samlingsleiar er ein del av leiargruppa i stiftinga og rapporterer til direktør. Leiargruppa jobbar for best mogleg samarbeid mellom avdelingane i organisasjonen. Det er særleg viktig å styrke samarbeidet mellom forskings- og samlingsavdelinga og formidlingsavdelinga. Avdelingsleiaren har personalansvar for dei tilsette i avdelinga med kontorstad i Aasentunet (fem tilsette) og dei som jobbar frå eksterne kontorstader.
Vi ser etter ein trygg og tydeleg leiar med forskingskompetanse og engasjement og entusiasme for språk og kultur. Kontorstad er Aasentunet i Ørsta.
Desse kvalifikasjonane er ein føresetnad:
- Gode leiareigenskapar
- Gode samarbeidsevner
- Mastergrad
- God økonomiforståing
Desse kvalifikasjonane er ein fordel:
- Leiarerfaring og/eller dokumentert leiarkompetanse
- Doktorgrad
- Kompetanse og erfaring med samlingar og arkiv
Vi tilbyr
- Løn etter avtale, med utgangspunkt i lokal særavtale
- 30 feriedagar for leiarar
- Medlemskap i Statens pensjonskasse
- Avtalefesta pensjon
- Gruppelivsforsikring
- Medlemskap i fleire organisasjonar og nettverk som gir tilgang til både ressursar og gode kollegaer nasjonalt og internasjonalt
Om Nynorsk kultursentrum, musea for skriftkultur
Nynorsk kultursentrum er ei sjølvstendig stifting som arbeider for nynorsk skriftkultur gjennom vitskapleg og kulturfagleg aktivitet som aukar kunnskapen og medvitet om nynorsk skriftkultur nasjonalt og internasjonalt. Stiftinga eig og driftar tre museum: Aasentunet i Hovdebygda (Ørsta kommune), Haugesenteret i Ulvik (Hardanger) og Vinjesenteret i Vinje (Telemark).
Stiftinga er finansiert over statsbudsjettet og av vertsfylka og -kommunane våre i tillegg til andre tilskot og gåver og kommersielle inntekter. Vi har til saman 27 tilsette fordelt på dei tre musea og kontorstadane, som samarbeider tett på tvers av avdelingar og geografisk stad for å nå måla våre.
Stiftinga er medlem i arbeidsgivarorganisasjonen Virke. Les meir om Nynorsk kultursentrum på nynorsk.no.
Fleire opplysningar om stillinga får du hos museumsleiar direktør Olav Øyehaug Opsvik, tlf. 97 13 01 53.
Send søknad
Søknadsfristen er 16. august 2026.
Du søker ved å fylle ut dette skjemaet. Merk at du må laste opp sjølve søknadsteksten og CV (inkludert referansar) som vedlegg.
Offentleglova og personopplysningar
Nynorsk kultursentrum følgjer offentleglova og utarbeider offentlege søkarlister. Om du ikkje vil stå på denne må du søke om og grunngi det i søknadsskjemaet. Om administrasjonen meiner det ikkje er grunnlag for fritak, vil du få beskjed om det og tilbod om å trekke søknaden. Dei offentlege søkjarlistene inneheld namn, bustadkommune, fødselsår og noverande stillingstittel.
Alle personopplysningar blir handsama i tråd med personvernforordninga, på grunnlag av artikkel 6 nr. 1 bokstav b.
Alle har rett til generell informasjon om korleis Nynorsk kultursentrum behandlar personopplysningar. Alle personar vi har registrert personopplysningar om, har rett på innsyn i det som er registrert om ein. Om desse opplysningane er feil, kan du krevje at dei blir retta eller sletta.