Erlend Kaasa - Endeleg fred
Aleine saman – korona og kulturen
ENDELEG FRED
Brått blei det endeleg
Heilt uavvendeleg
Ein vind slo dørene att
i natt
Ein syrleg soloppgang
med klokkekim og vardebrann
Me drog gardinene ned
Så blei det endeleg
fred
Det blei endeleg fred
Så var det endeleg
Tungt og ubendeleg
Eit folk held pusten i lag
i dag
Her er så ugjenkjenneleg
Stilt og forunderleg
Måtte stake ut ein heilt ny veg
På den vegen fann me endeleg
fred
Der fann me endeleg fred
© Kaasa / Kaasa 2020
Erlend Kaasa (f. 1976) forfattar og musikar frå Vinje i Telemark. Kaasa har hovudfag i medievitskap frå Universitetet i Bergen og arbeidar som lærar. Debutromanen Thunder Road kom i 2009.
