Rådgivar administrasjon og kommunikasjon

På grunn av permisjonar og store prosjekt, treng vi fleire hovud og hender for å halde god framdrift i alle prosessane våre.

Arbeidsoppgåver

Stillinga omfattar mellom anna:

• administrativ støtte til leiing og organisasjonen mellom anna med personaladministrative oppgåver
• arbeid med økonomi og oppfølging av budsjett
• koordinering og utarbeiding av årsmelding
• planlegging og publisering av innhald på nettsider og i sosiale medium
• medverknad til marknadsføring av arrangement og formidlingstiltak

Du vil samarbeide tett med kollegaer innan administrasjon og kommunikasjon. Avdelinga gjennomfører overordna oppgåver for heile organisasjonen, forvaltar offentlege regelverk og interne rutinar og prosedyrar. Administrasjonssjef er nærmaste overordna

Kvalifikasjonar

Vi ønskjer at du:

• har relevant høgare utdanning innan anten administrasjon, økonomi, kommunikasjon eller tilsvarande arbeidsområde
• har erfaring frå administrativt arbeid, økonomi og/eller kommunikasjon
• skriv godt på nynorsk
• har erfaring med digitale verktøy og publiseringsløysingar, gjerne med kjennskap til Adobe

Det er ein fordel med erfaring frå kulturverksemder, offentleg sektor, forskingsinstitusjonar, reiseliv eller andre kunnskapsorganisasjonar.

Personlege eigenskapar

Vi ser etter deg som:

• arbeider sjølvstendig og strukturert, og held orden på detaljane
• er løysingsorientert og samarbeider godt med andre
• kan veksle mellom fleire oppgåver i løpet av ein arbeidsdag
• har god formidlingsevne både skriftleg og munnleg
• har interesse for språk og kultur

Hos oss får du høve til å bruke din kompetanse om administrasjon og kommunikasjon, og bidra til å styrkje og utvikle ein nasjonal kulturinstitusjon.

Vi tilbyr

• Løn etter avtale, med utgangspukt i lokalt lønssystem

• Medlemskap i Statens pensjonskasse

• Avtalefesta pensjon

• Gruppelivsforsikring

Du kjem til eit inkluderande arbeidsmiljø med engasjerte kollegaer i eit unikt og prislønt Fehn-bygg. Vi har fleksibel arbeidstid og moglegheit for trening i arbeidstida.

Om Nynorsk kultursentrum

Nynorsk kultursentrum er ei sjølvstendig stifting som arbeider for nynorsk skriftkultur gjennom vitskapleg og kulturfagleg aktivitet som aukar kunnskapen og medvitet om nynorsk skriftkultur nasjonalt og internasjonalt. Stiftinga eig og driv tre museum: Aasentunet i Hovdebygda (Ørsta kommune), Haugesenteret i Ulvik (Hardanger) og Vinjesenteret i Vinje (Telemark).

Stiftinga er finansiert over statsbudsjettet og av vertsfylka og -kommunane våre i tillegg til andre tilskot, gåver og kommersielle inntekter.

Stiftinga er medlem i arbeidsgivarorganisasjonen Virke. Alle nye medarbeidarar får nødvendig opplæring. Vi nyttar nynorsk i all kommunikasjon.

Fleire opplysningar om stillinga får du hos administrasjonssjef Gaute Øvereng,
tlf. 47 33 41 44.

Send søknad

Søknadsfristen er 15. november.

Du søkjer ved å fylle ut dette skjemaet.

Merk at du må laste opp sjølve søknadsteksten og CV (inkludert referansar) som vedlegg.

Stillinga er ledig omgåande og kandidaten som får stillinga tek til etter avtale. Kontorstaden er ved Aasentunet i Ørsta kommune. Stillinga er eit engasjement fram til 31. desember 2027, inntil 100 %.

Offentleglova og personopplysningar

Nynorsk kultursentrum følgjer offentleglova og utarbeider offentlege søkarlister. Om du ikkje vil stå på denne må du søke om og grunngi det i søknadsskjemaet. Om administrasjonen meiner det ikkje er grunnlag for fritak, vil du få beskjed om det og tilbod om å trekke søknaden. Dei offentlege søkjarlistene inneheld namn, bustadkommune, fødselsår og noverande stillingstittel.    

Alle personopplysningar blir handsama i tråd med personvernforordninga, på grunnlag av artikkel 6 nr. 1 bokstav b.  

 Alle har rett til generell informasjon om korleis Nynorsk kultursentrum behandlar personopplysningar. Alle personar vi har registrert personopplysningar om, har rett på innsyn i det som er registrert om ein. Om desse opplysningane er feil, kan du krevje at dei blir retta eller sletta.