Solplomme

Varigheit

35 minutt

Tid opprigg

60 minutt

Tid nedrigg

45 minutt

Arena/rom

Gymsal, auditorium, aula

Antal utøvarar

2 utøvarar og 1 lydteknikar

Treng scene

Nei

Treng blending

Ja

Treng el-uttak

Ja

For- og etterarbeid

Ja

Spørsmål og tinging

Ta kontakt med post@nynorsk.no om du har spørsmål eller vil tinge ei framsyning. 

Utøvarar

Anna Kleiva (f.1985) er ein prislønt forfattar og gjendiktar som hovudsakleg arbeider med poesi og essayistikk. Kleiva debuterte i 2011 med Ti liknande versjonar, og har sidan gitt ut fleire kritikarroste diktsamlingar. I 2018 kom det nyskapande prosaverket Echo Mountain. Forteljingar frå L.A., og i 2024 var ho redaktør for diktsamlinga Tunga mi protesterer mot døden – palestinske dikt. Kleiva blir omtala som ei formmedviten og nyskapande poetisk stemme. Sentrale tematikkar i forfattarskapen er tilhøyrsle, natur, fridom, rørsle og språk. For diktsamlinga Vårar seinare (2015) fekk ho mellom anna Bjørnsonstipendet og Melsomprisen.   

Vilde Tuv (f.1986) er ein artist, komponist og musikkprodusent som dei siste åra har markert seg på den norske musikkscena med sin avantgardistiske popmusikk og ufiltrerte framføringar. Fløyteplata Melting Songs vann Spellemannprisen i 2021 i kategorien elektronika. Hennar tredje soloalbum Truthbomb kom i 2025 og fekk strålande kritikkar frå norsk og utanlandsk presse. Med musikk rett frå hjartet, med klare melankolske undertonar og ærlege og utfordrande produksjonar, har ho også bidrege som komponist på prisløna produksjonar som barneteaterforestillinga Smeltasang og spelefilmen Den stygge stesøstera. 

Produsent

Om Nynorsk kultursentrum: Stiftinga Nynorsk kultursentrum, musea for skriftkultur er eit av dei konsoliderte musea i Vestland og driv Haugesenteret i Ulvik i tillegg til Aasentunet i Ørsta og Vinjesenteret i Telemark.

Stiftinga gjennomfører eit breitt kulturprogram året rundt og driv tre festivalar; Poesifestivalen i Ulvik, Festspela i Ørsta og Volda og Litteraturdagane i Vinje. Nynorsk kultursentrum samarbeider også med bibliotek i heile landet, og er til stades i opp til 100 kommunar kvart år med arrangement og utstillingar.

Nynorsk kultursentrum er med på å sikre at det er godt mangfald av nynorskartiklar i Store norske leksikon. Vi driv nettstadene Nynorsk.no og Lurivar.no, og har i samarbeid med andre aktørar vore med på å utvikle Lesedigg.no. Nynorsk kultursentrum har levert produksjonar til Den kulturelle skulesekken sidan 2004.