André Hustoft Nesheim Arbeidsstad: Haugesenteret, Ulvik
Tittel: Vertskaps- og programansvarleg
Utdanning: Bachelor eller anna høgare utdanning
Søknadsfrist: 29. september
Oppstart: 1. november eller etter avtale
Stillingstype: Fast stilling, 100 prosent
Arbeidsoppgåver
Vertskaps- og programansvarleg er med på å utvikla publikumstilbodet ved Haugesenteret saman med resten av formidlingsavdelinga i Nynorsk kultursentrum. Du står for dagleg drift av resepsjon og museumsbutikk, og utarbeidar turnus for museumsvertar i sommarsesongen. Du koordinerer førespurnadar frå grupper om besøk og omvisingar i utstillinga. Marknadsføring av museumstilboda våre, kulturprogram og festival i ulike medium ligg også til stillinga.
Vertskaps- og programansvarleg samarbeider med arenaleiar i Haugesenteret om utvikling, planlegging og gjennomføring av arrangement i museet og til Poesifestivalen. For Poesifestivalen ligg det til stillinga å vera programprodusent med ansvar for planlegging, avtalar, logistikk og marknadsføring.
Krav og kvalifikasjonar
Me ser etter deg som er kreativ og sjølvstendig, gjerne med røynsle frå museum eller andre formidlingsinstitusjonar. Du bør trivast med å arbeida i høgt tempo, ha sans for orden og system, vere stø i nynorsk og ha god kjennskap til engelsk. Interesse for lyrikk, litteratur og språk kjem godt med.
Aktuell utdanning kan vera frå kultur, museumsdrift, administrasjon, publikumskontakt, sal eller marknadsføring. Det er fordel med bachelor eller anna høgare utdanning. Du bør ha erfaring med digitale reiskapar, kassasystem og ha forståing for grunnleggjande økonomisk og administrativt arbeid i verksemder.
Den som vert tilsett må rekna med nokre reiser og helge- og kveldsarbeid.
Vi tilbyr
Alle nye medarbeidarar får grundig opplæring. Hjå oss nyttar alle nynorsk i skriftleg kommunikasjon. Nynorsk kultursentrum er medlem i arbeidsgivarorganisasjonen Virke og tilbyd ein open bedriftskultur, engasjerte kollegaer, medlemskap i Statens pensjonskasse, avtalefesta pensjon, gruppelivsforsikring og løn etter avtale.
Om søknaden
Send søknad med CV og relevante attestar som eitt samla PDF-dokument seinast 29. september til stilling@nynorsk.no Hugs å ta med fullt namn, fødselsår, bustad og noverande stilling eller yrkestittel i søknaden.
Kontakt
For meir informasjon om stillinga kontakt arenaleiar Jorid Lekve Eide, tlf 41 04 44 49.
Nynorsk kultursentrum / Andre Hustoft Nesheim Om Haugesenteret og Ulvik
Haugesenteret er ein av tre arenaer under Nynorsk kultursentrum, musea for skriftkultur. Arenaen er eit nasjonalt senter for lyrikk med utgangspunkt i den lokale diktaren Olav H. Hauge. Me har som mål å vera ein viktig møtestad for lokalbefolkninga, så vel som eit attraktivt reisemål for turistar.
Stiftinga Nynorsk kultursentrum, musea for nynorsk skriftkultur, forvaltar, formidlar og forskar på nynorsk språk og litteratur. Dette skjer både digitalt, og i form av arrangement og utstillingar i heile landet og ved dei tre musea våre: Vinjesenteret i Vinje, Haugesenteret i Ulvik og Aasentunet i Ørsta.
Poesibygda Ulvik byr på fantastisk natur og er eit attraktivt reisemål. Her kan du kombinera sommarjobb med aktiv fritid på fjord og fjell.
Les meir:Slik handterer vi personopplysingane dine
Behandling av personopplysningar i samband med rekruttering
Søkarar på stillingar i Nynorsk kultursentrum sender søknad, cv og personopplysningar til e-postadressa stilling@nynorsk.no. Det er berre ein person i organisasjonen som har tilgang til denne og behandlar opplysningane som kjem inn der.
Når søknadsfristen er ute blir det laga ei søkarliste med følgjande informasjon om kvar kandidat til stillinga: Namn, bustadkommune, fødselsår, noverande arbeidsstad og høgaste utdanning. Desse opplysningane blir lagra etter at tilsetjingsprosessen er over. All anna personinformasjon (søknad, cv og kontaktdata) blir sletta etter at tilsetjinga er gjennomført.
Nynorsk kultursentrum har offentlege søkarlister. Om du ikkje skal stå på ho, må du be om unntak i søknaden. Du vil eventuelt få dette innvilga frå administrasjonen. Dei offentlege søkarlistene inneheld namn, bustadkommune, fødselsår og noverande stillingstittel.
Det blir utnemnd eit tilsetjingsutval med inntil tre personar for kvar tilsetjing. Den som har personalansvaret for stillinga leiar dette utvalet. Utvalet har teieplikt om alt som kjem fram i tilsetjingsprosessen.
Nynorsk kultursentrum verken kartlegg eller lagrar sensitive personopplysningar. Vi sender heller ikkje vidare noko informasjon om søkarar utan samtykke frå kandidaten.
Dine rettar etter personopplysningsloven
Alle har rett til generell informasjon om korleis Nynorsk kultursentrum behandlar opplysningar. Alle personar vi har registrert personopplysningar om, har rett på innsyn i det som er registrert om ein. Om desse opplysningane er feil, kan du krevje at dei blir retta eller sletta.