Fredrik Johan Helland var i fyrstegongstenesta i 1. gardekompani i Hans Majestet Kongens Garde i åra 2010–2011. Der opplevde han korleis garden løyste oppdraget sitt 22. juli 2011 – den største prøva deira sidan den andre verdskrigen – og kjende på kroppen kor viktig leiarskap og øving er før krisa er der.
Nokre månadar før var gardistane gjennom ein periode der haldninga «det skjer ingenting på mi vakt» fekk rom til å gro. Fleire opplevde tenesta som meiningslaus. 22. juli var det desse gardistane som var på vakt. Og dei måtte vise at dei var klare til å gjera oppdraget dei var sette til.
Helland arbeide fram til sumaren som journalist og radioprogramleiar i NRK Vestland, og jobbar no i Luftforsvarets 330 skvadron og redningshelikoptera ved Florø lufthamn. Helland blei i 2013 tildelt Gardemedaljen i bronse, mellom anna for innsatsen 22. juli.
Det blir kaffi, mat og «røur» etter foredraget. Billettar kostar 200 kroner for medlemer i Folkeakademiet og 300 kroner for andre.
Arrangementet er eit samarbeid mellom Vinjesenteret og Folkeakademiet i Vinje/ SeniorAkademi.
- 1/1
Fredrik Johan Helland Pressefoto
