Forfattarsamtale med Tore Kvæven: Eit spor til endes

Torsdag 3. desember kjem Tore Kvæven til Vinjesenteret for å snakke om Eit spor til endes. Samtaleleiar er Elin Eika Bringa.  

Tore Kvæven er sirdøl, sauebonde, lærar og forfattar. Han fekk sitt litterære gjennombrot med Når landet mørknar i 2018, som han fekk Brageprisen for.  

I Eit spor til endes møter me Torstein som veks opp under enkle kår på fjellgarden Helleren i Vatnedalen mot slutten av 1800-talet. Familien er avhengig av det naturen kan gje, og Torstein lærer tidleg at naturen både kan vera nådelaust hard og uendeleg gåverik.  

Romanen har fått svært gode kritikkar. Leif Bull i DN skriv mellom anna at: «Tore Kvæven har skrevet en intens værbitt og barsk skildring av tilværelsen som norsk fjellbonde på slutten av 1800-tallet», og Fartein Horgar skriv i Adresseavisen: «Med fortellingen om Torsteins jakttur har Tore Kvæven skrevet seg inn blant de beste i nordisk litteratur. [Han] har aldri skrevet bedre enn i «Eit spor til endes».»  

Elin Eika Bringa er frå Bø i Telemark. Ho har skrive fleire bøker for vaksne og medverka i skjønnlitterære antologiar for både barn og vaksne.  

Velkomen til forfattarsamtale på Vinjesenteret torsdag 3. desember kl. 19.00! 

• Billett Tore Kvæven