Juryen for Storegutprisen blir oppnemnd av medlemslaget Litteraturdagane og Nynorsk kultursentrum. Vinjesenteret er sekretariat for prisen.
Storegut, som eigentleg heitte Olav Olavson Edland, blei fødd på Edland i Telemark i 1764 og kom bort i fjellet sommaren 1791 medan han gjette buskapen. Etter at han forsvann, blei det fortalt mange soger om han og kva som kunne ha skjedd. Aasmund Olavsson Vinje skreiv om Storegut og faren i boka Storegut (1866, ny utgåve 1868), som er eit hovudverk i Vinjes dikting.
Prisvinnaren får ein statuett som skal førestille Storegut. Statuetten er laga av billedhuggeren Kjell Grette Christenson. Storegutprisen blir delt ut årleg på Edland under Litteraturdagane.
Vinnarar av Storegutprisen
| År | Mottakarar |
|---|---|
| 2002 | Ivar Eskeland |
| 2003 | Berge Furre |
| 2004 | Ragnhild Sælthun Fjørtoft |
| 2005 | Bjørn Bø |
| 2006 | Sigmund Groven |
| 2007 | Liv Signe Navarsete |
| 2008 | Audun Svartdal |
| 2009 | Nina og Øystein Rudi, Rudi Gard |
| 2010 | Odd Nordstoga |
| 2011 | Astrid Brekken |
| 2012 | Ingvild Bryn |
| 2013 | Herborg Kråkevik |
| 2014 | Sondre Bratland |
| 2015 | Lerum AS |
| 2016 | Are Kalvø |
| 2017 | Kristin Sørsdal |
| 2018 | Olav Vesaas |
| 2019 | Linda Eide |
| 2020 | inga utdeling |
| 2021 | Runar Gudnason og Side Brok |
| 2022 | Guri Vesaas |
| 2023 | Fjord1 |
| 2024 | Arianrhod «Arian» Engebø |