Billettsal
Billettsalet er i betent resepsjon i Vinjesenteret, og er felles for Vinjesenteret og Vinjestoga. For arrangement kan ein kjøpe billettar på førehand, på denne heimesida, eller på appen e-billett. Ver obs på at billettar for følgjekort (også kalla ledsagerbevis eller fylgjeprov) må bestillast på e-post eller telefon.
Toalett
Toaletta våre ligg like ved resepsjonen, og det er eige HC-toalett.
Følgjekort (ofte kalla ledsagerbevis eller fylgjeprov)
Det er fri tilgang til utstillingane for éin person med følgjekort. Om de skal bestille billettar til arrangement med følgjekort: ta kontakt på post@nynorsk.no eller telefon 46 29 98 04.
Tilrettelegging for personar med nedsett rørsleevne (bevegelsesevne)
Utstillinga i Vinjesenteret er på ei flate, og planlagd med utgangspunkt i rullestolbrukarar.
Det er stolar og andre sitjemøbel i alle rom i utstillinga.
Tilrettelegging for personar med nedsett syn
Lyspunkt er plassert, og me nyttar kontrastfargar, slik at mest mogleg er lesbart for flest mogleg. Det er diverre ikkje punktskrift eller audiogaid i utstillinga.
Me har nokre element i utstillinga som er taktile, og me har nokre lytte-stasjonar. Våre tilsette gir gjerne ein introduksjon til utstillinga.
Me tillét førarhundar i utstillinga og på arrangement.
Tilrettelegging for personar med nedsett høyrsel
Videoar i utstillinga er teksta, og me har gjort tiltak som gjer at lyd i minst mogleg grad smittar frå eit rom til eit anna. Det er diverre ikkje teleslynge ved Vinjesenteret.
Tilrettelegging for personar som er kjenslevare for luft-, lyd- eller lysforstyrringar
Reinhaldsrutinane våre gjer at me held utstillingsareala så frie som råd for støv og pollen. Me bed tilsette og publikum vere varsame med bruk av parfyme og sterke luktar.
Lydelementa må oppsøkjast aktivt, og lyden er ganske avgrensa til dei områda.
Det er enkelte taktile element i utstillinga.
Det er vanleg lyssetting, og ikkje bruk av strobelys eller liknande.
Dyr
Det er tilgang for førarhundar og servicehundar i utstillinga. Me reingjer utstillinga slik at ho er så allergivenleg som råd.
Det er ikkje tilgang for andre dyr innandørs på våre arenaer.
Deltaking i fokusgruppe?
Me ønskjer å verte betre på universell utforming. Om du ønskjer å bidra i dette arbeidet ved å gi tilbakemeldingar om korleis me kan gjere det betre. Kontakt oss på post@nynorsk.no. Me ønskjer å opprette fokusgrupper for alle utstillingar og arrangement, og der ønskjer me deltakarar med ulike behov.
- 1/1
