— Styrk skulebiblioteka med å føre vidare innkjøpsordninga. Denne ordninga må også gjeve fleire barne- og ungdomsbøker på nynorsk og samiske språk, meiner Nynorsk kultursentrum og 14 andre språk-, bok- og litteraturorganisasjonar i eit opprop i Klassekampen laurdag 10. september.
Lyrikkdebutanten Priya Bains blei tildelt Olav H. Hauge-stipendet under opninga av Poesifestivalen i Ulvik fredag 9. september for diktsamlinga Med restene av mine hender. – Språket til Bains er musikalsk og sanseleg, sa juryleiar Brit Bildøen under utdelinga.
Nynorsk kultursentrum er med i eitt av 82 prosjekt som får støtte frå ordninga for banebrytande forsking i Noregs forskingsråd. Forskarar frå fleire institusjonar skal sjå på ulike forfattarskap, blant anna korleis Tarjei Vesaas og Olav Duun nådde ut i Tyskland, Storbritannia og USA mellom 1900 og 1950.
Er du glad i å lese? Kunne du tenke deg å lese bøker og diskutere dei saman med andre? Då kan leseringen vår vera noko for deg.
Her skal me lese bøker og samtale om dei i trivelege omgjevnadar på Vinjesenteret. Leseringen møtast seks måndagar på rad frå klokka 18:30 og blir leia av forfattar Stein Versto.
Amboltprisen vert delt ut under Poesifestivalen og går til ein person som har arbeidd for Olav H. Hauge si dikting og gjort henne kjent. Styret i Venelaget Olav H. Hauge har vedteke at prisen for 2022 skal gå til Einar Økland.
Først ut i samtale-serien er Tuva Syvertsen, som har invitert med seg lyrikar Svanhild Amdal Telnes. Dei vitja Seljord bibliotek 6. september og vitjar Stord bibliotek 7. september og Kvinnherad bibliotek 8. september.
20. august 2022 er det 125 år sidan Tarjei Vesaas (1897–1970) blei fødd. Nynorsk kultursentrum markerer Vesaas heile året i heile landet.
Søndag 28. august kl 12.30 ynskjer Vinjesenteret og Nynorsk kultursentrum barnefamiliar velkomne til lesestund med illustratør og forfattar Marianne Gretteberg Engedal, der ho les og fortel frå biletboka Pølsetjuven.
På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den store innsatsen ho har gjort for nynorsk barnelitteratur.
I over 100 år var Store norske leksikon (SNL) nesten berre på bokmål. Men etter at SNL og Nynorsk kultursentrum gjekk saman om ei satsing har talet på nynorskartiklar skote i vêret.
